درباره سایت
آخرین مطالب
امکانات وب
در این مطلب، جدیدترین اخبار و اطلاعات مربوط به «اربعین» را به همراه نکات مهم و جزئیات تکمیلی خواهید خواند.
در ادامه، تمامی اطلاعات موجود درباره این موضوع به صورت یکجا گردآوری شده است تا بتوانید بدون نیاز به مراجعه به منابع مختلف، جزئیات کامل را مطالعه کنید.
زبانحال
اربعین
ای وئرن جانان یولوندا جانینی عطشان حسین
ای ائدن عالم لری اوز عشقینه حیران حسین
آیریلقدان اولدی بو قرخ گونده قلبیم قان حسین
نیزه ده گوردوقجا باشین ائیله دیم افغان حسین
اولمدیم گلدیم دوباره بو چوله مهمان حسین
یاتما بیر دور قبریدن زینب سنه قربان حسین
دین حقین مقتداسی ای قتیل اشقیا
ای وئرن قرانه اوز قانیله تضمین بقا
بو صفالی قبریوه قارداش باجون اولسون فدا
شامیدن گلدیم دوتام قبرین کنارینده عزا
زینبم دور بیر من دلخستیه سس وئر اخا
خرمن صبره سالیب اود بو غم هجران حسین
سن بو چولده یار و انصارونله ائتدین انقلاب
منده قوباغلي چاليشديم ائيلديم حفظ حجاب
گر چي سينم آتش هجرانيله اولدي كباب
سالمیشام شاماته قارداش نطقیمله التهاب
خصم ناحقه همیشه حقیله وئردیم جواب
گرچه ظلمینده بو کفر اهلی ائدیب طغیان حسین
ائیله دیم قرخ گون گئجه گوندوز فراقینده نوا
دیلده حسرت باشین اردیجا دولاندیم برملا
قبریوه مشتاقیدیم ای پادشاه کربلا
بو همان یئردی شهید ائتدی سنی اهل جفا
تشنه لب کسدی قفادن باشیوی شمر دغا
سو گتوردوم قبرون اوسته دیده سی گریان حسین
ای عزیز جان اویان دلخسته جان لاردان سوروش
دشمن بیرحم الینده باغریقان لاردان سوروش
بو سفرده باشه گلمیش داستان لاردان سوروش
غصه و غم شرحینی قدی کمان لاردان سوروش
نه بلا یوللاردا چکدیم ساربان لاردان سوروش
بو آغارمیش زلفیم ائتسین دردیمی اعلان حسین
دور قولاق وئر ال سفیانون جفاسیندن دئیوم
یوللارین یولداشلاریندان ماجراسیندن دئیوم
ناقه اوسته قیزلارین سسیز نواسیندن دئیوم
سن یارالاردان دی من باشیم بلاسیندن دئیوم
شام ویرانین سنه غملی هواسیندن دئیوم
گور نئجه دفن ائیله دیم بیرگوهر تابان حسین
دور اخا باخ گور نئجه حالی پریشان گلمیشم
اشک حسرت گوزده دیل داغلی نواخوان گلمیشم
گلمدی نازلی رقییم زار و نالان گلمیشم
آهیمیله سالمیشام شاماته طوفان گلمیشم
دور یارالی پیشواز ائیله که مهمان گلمیشم
خسته یم دیندیر منی ای عالمینه جان حسین
سینوی آماج قیلدین زهریلی پیکان لارا
اگمدین باش باشیوی سالدین اخا طوفان لارا
حق یولون وئردین نشان آزاده مرد انسان لارا
نیزه باشینده ندا وئردین آییق وجدان لارا
ائتمه سین بیعت جهاندا فاسق و نادان لارا
سن کیمین قربانه عالم لر اولا قربان حسین
دور دئیوم قارداش سنه ایام هجران صحبتین
کوفه و شام اهلینین ظلمون یولون کیفیین
گور نئجه زینب دولاندیردی گتوردی عترتین
زینبون تک قبروین هیچ کیم بیلنمز قیمتین
شوقیدن مدهوش اولوب چکدیم همیشه حسرتین
شکر اولا اللهه تاپدیم دردیمه درمان حسین
#مدهوش
#هوشمند
برچسب:
نویسنده: ابوالفضل کریمی