درباره سایت
آخرین مطالب
امکانات وب
در این گزارش به بررسی کامل «ماه غم» میپردازیم و آخرین اخبار، جزئیات و نکات مهم مربوط به این موضوع را مرور خواهیم کرد.
در ادامه، تمامی اطلاعات موجود درباره این موضوع به صورت یکجا گردآوری شده است تا بتوانید بدون نیاز به مراجعه به منابع مختلف، جزئیات کامل را مطالعه کنید.
ماه غم گلدی بو آی بیر عالی فرصت دور بیزه
گی قرا کوینگ که بو اون گون غنیمت دور بیزه
معرفتله گل حسینیم وای دی زهرادن پای آل
شکر اولا ماه محرم بیرده قسمت دور بیزه
بو حسین عشقی بیزه قورتولمیان سرمایه دی
قلعه ایمن دی بو مجلس سعادت دور بیزه
کیم اوزون سالسا بو کشتی نجاته یوخ غمی
جلوه سیماسی انوار هدایت دی بیزه
دردریوه درمان گزورسن گل بو داروخانیه
قاره پرچم نصب اولوب هاردا علامت دور بیزه
بیز ازل گوندن قرا پرچملره دلبسته یوک
دولت عشقی ایکی دنیا کفایت دور بیزه
رهبر آزادگان دیر دینه قربان دیر حسین
تا جهان وار مایه فخر و شرافت دیر بیزه
عالمی درده سالیر کرب ووبلانین محنتی
هر زمان یاده دوشور گویا قیامت دور بیزه
مدعی ال چک اولنجه آغلاروق بو محنته
هر قدر تکرار اولا ذکر عبادت دور بیزه
کیم حسینه آغلیا یا آغلادا جنت ده دی
دلخوشام بو مطلبه قول شفاعت دور بیزه
دردمند و بینوایوخ کربلا مشتاقیوخ
دیلده کی درده دوا اول قانلی تربت دور بیزه
بیز ولایت درسینی اورگشموشوق عباسیدن
حضرت عباس استاد بصیرت دور بیزه
چوخلاری ایراد ایدور اهل عزا وهییته
لیک تا آخر نفس بو قاره کوینگ عزت دور بیزه
عالمی حیران قویوب عاشقلرین اندیشه سی
کربلا دانشگه دین و مروت دور بیزه
بیرده اولسا پا پیاده اربعین قسمت اگر
سجده شکر ائیلروق حق دن عنایت دور بیزه
یاده سالدوقجا حسین قبرین گویول مدهوش اولور
بیر گورییدیم بزم وصل یار خلوت دور بیزه
محمد هوشمند
برچسب:
نویسنده: ابوالفضل کریمی