قتلگاه

زبانحال کوچ از قتلگاه

سلام اولسون سنه ای خامس آلعبا قارداش

گیدور شامه عیال و عترتون دور سال یولا قارداش

بو چولدن عازمم شامه آليب اطرافيمي دشمن

یول اوسته کفن و دفنه یوخدی امکان نیلیم بس من

گئدیب یغمایه حتی قالمییوب دور کهنه پیراهن

هوا ایستی وجودین یاره دی باشدان باشا قارداش

یاران گلمیر سانا جسمونده سالم بیر یئرین یوخدور

سویولموش نعشیوه پرده چکن داش نیزه دی اوخدور

سنون جسمین یاراسیندان منیم گیزلین یارام چوخدور

اگر چی پاره جسمیده یاران گلمز سایا قارداش

او قدری اوخ دگیب سینون صفالی گلشنه بنذه ر

اچیب گول یاره لر جسمونده قارداش سوسنه بنذر

خیامون یاندیربلا بیر داغلیمش خرمنه بنذه ر

منه قالدی بو خرمندن فقط آه و نوا قارداش

شعر از هوشمند