یا علی

علی ادیلا قلم باشلیور بو عنوانی

عنایت ایلیه بلکه یازام بو انشانی

خدایه شوکر ائدورم کی علی امامیدی

کمال عشقیله من دوتموشام بو دامانی

علی مقامینی بیلمز مگر خدا و رسول

چکوبدی قدرت الی بیله نقش والانی

علیدی علت ایجاد عالم امکان

جمال انوری دهری ائدوبدی نورانی

علیدی مظهر ذات خدای حق یرده

علی دی لیله اسراده صوت ربانی

مبار ک آدینی ذکر ایله ماق عبادتدی

مریض عشقه اولانا وار همیشه درمانی

علیدی اول و آخر علیدی نور هدی

علی صراطیدی هر یرده حق میزانی