مناجات

او قدر ائیلمیشم عمریده خطا یارب
اورک سوزون دیماقا ایلیره م حیا یارب

هوای نفس منی هر یانا چکیب اپاریب
همیشه ایلمیشم نفسیمه جفا یارب

نه چاره وار منه گر شامل اولماسا حالیما
بو ایدا سندن اولان رحمت و عطا یارب

شفیع درگهیوه من گتوردوم اون دوردی
و بیرده تاج ایلدیم قرانی باشا یارب

منیم گناهیم اگر چه باشا گلن دگوری
ولیک رحمتیوه یوخدی انتها یارب

سنی قسم ویروم مرتضایه دورت الیمی
ذلیل بندیم ای رب ماسوا یارب

بهانه اولدی شب قدر کوی عشقه گلم
من ایستیم ائده سن دردیمه دوا بارب

قرا یوزیله سنین درگهینده من قوناقام
هدایت ائیله اولوم سنلن آشنا یارب
هوشمند