عفاف و حجاب

بشر هر آینه حق دعوتین اجابت ایله

سعادت آختاریسان امرینه اطاعت ایله

دوتوب مقامینی الله گرامی انسانین

چالیش بو مرتبه نی هر زمان صیانت ایله

گناه ایلمه الله شهید اجری وئره ر

حرامیدن گوزوی یوم گیلن ریاضت ایله

انام باجیم باشیوین چادری شرفدی سنه

شرف و عفتوی ساخلاماقدا همت ایله

انا وقار و حیا درسی وئر اوشاقلار اوچون

کی یول خطرلیدی هم قورخولی هدایت ایله

انا ایاقینین التین بهشت ائدیب خالق

ندور بو امره سبب علتنیده دقت ایله

باجیم سنین بو حجابین کی وار سپردی سنه

حجابی حفظ ایله شیطان لاری خجالت ایله

چمنده گول نقدر آچمییوب باخان از اولار

دره له ر اچسا گولی بیر بو سوزدن عبرت ایله

قیزیم مکلف اولوبسان وظیفه وی اورگن

حریم محرم و نامحرمی رعایت ایله

باخیشلارین پاک ایله سنده قارداشیم هر آن

رضای حقه گوره نفسیوی ملامت ایله

حجاب درسینی زینب وئریبدی شیعه لره

حسینین عاشیقی گل زینبه حمایت ایله

حسین زیارتینین گر چی چوخ فضیلتی وار

حسینی اول صورا گئت قبرینی زیارت ایله

باش اگمه ظالیمه حتی کسیلسه تشنه باشین

عقیده اوسته دایان سعی و استقامت ایله