درباره سایت
آخرین مطالب
امکانات وب
تقدیم به روح مطهر شهدا
باش و جان فیکرین آتیب خوشلادی جانانی شهید
ائیله دی مکتبینی عالمه اعلانی شهید
آلیشیب شمع کیمی عشق و محبت اودونا
ائیلیوب حق یولون انسانلارا نورانی شهید
خوار ائدیب نفسینی گل جیسمی قالیب چوللرده
قویمادی خوار اولا شخصیت اینسانی شهید
تا ایچیب باده غیرت خم عاشوردان
نخل ایمانه وئریب سو یرینه قانی شهید
اگمیییب ذلته باش داغ کیمی محکم دایانیب
سالدی غفلتده یاتان دیللره طوفانی شهید
باش وئریب وئرمه دی ظالم لره بیعت الینی
بیلدی رهبر اوزونه شاه لب عطشانی شهید
قانلی میداندا قیلیب رهبری تک قانلی نماز
کوی عشق ایچره تاپیب رتبه شایانی شهید
نقد جان الده چاتیب حضرت حق محضرینه
یئتیریب باشه گوزل وجهیله پیمانی شهید
شرف و عزتی اخلاصیله معنا ایلدی
دفتر معرفته یازدی الفبانی شهید