درباره سایت
آخرین مطالب
امکانات وب
محمد هوشمند
ای ضامن آهو اولان ای کان مروت
بیر آهو حساب ائت منه ده ائیله عنایت
وئر اذن گلیم محضریوه بیرده سلامه
گوگلوم داریخیب قالمییب هجرانیوه طاقت
روحیم تلسیر تا اوچا صحن و حرمینده
اول پاک حرمدور من دلخستیه جنت
کامه چاتارام گر اولا بیلسم سنه مهمان
قسمت اولا گر شرط و شروطیله زیارت
دامانیوه گر چاتسا الیم ای گل زهرا
اظهار ائده رم عشقیمی ای کان ملاحت
سن باب الحوایج بالاسی کان سخاسن
سندن اولی سائل لره احسان و کرامت
عالیم سن اوزون بوشدی الیم مستحقم من
سینم دولودی دردیله گل ائیله طبابت
بو درگهین عاشقلریوه خلد بریندی
هر کیم ییخیلب دی قاپووا تاپدی شرافت
منده سنه گوز تیکمیشم ای ضامن آهو
زهرا آناوون حقی منی ایله ضمانت
من گر چی گنهکارم اوزون اوز کرموندن
محشرده بو بیچاره نی ده ائیله شفاعت
برچسبها: حضرت امام رضا ع
برچسب:
نویسنده: ابوالفضل کریمی