درباره سایت
آخرین مطالب
امکانات وب
اروجلوق بایرامی گلدی ای اهل رحمت و غفران
ملک لر دعوت حقی وئریر مژده ائدور اعلان
گلین ای بنده لر درگاه حقدن ایستیون حاجت
بیزه شامل اولوب دی رحمت مخصوص حق الان
بیر آی حقه قوناق اولدوخ اطاعت ائیلدوک امرین
اولا مين شكر توفيق عبادت ائيلدي احسان
قوشولدوخ بيزده ابراره کرم درگاهینه گتدوخ
آلیب قران باشا اتدوخ ندا یا قادر و رحمان
اگر چی هئچ عبادت شانینه لایق اولا بیلمز
باغشلار بنده سین اوز رحمتیندن ایزد منان
بو درگهده قوناقیله قوناقه فرق قویمازلار
اچیقدی سفره گل ادارکیوه وسعت وئر ای انسان
گتورمز بنده نین عیبین اوزه ستار و رحماندور
باغشلار هر نقدر اولسا گناهی لطفیله یزدان
نه ایستیرسن گل ایسته خرمن غفران و رحمتدی
بیره مین اجریوی وئرسین بو گونده صاحب قران
سنی ویرم قسم یارب بحق مرتضی حیدر
اماندی واگذار ایتمه منی اوز باشیمه بیر ان
گناهیین هوشمندین حضرت زهرایه عفو ایله
اگر چه دولدوروبدی نامه اعمالینی عصیان
هوشمند
برچسب:
نویسنده: ابوالفضل کریمی